من برج البرلس الى بلطيم .... يا قلبى لا تغرق !!!

السيارات اصبحت برمائية فى اهم مكان فى برج البرلس

الصورة لا تكذب كما لو كان البحر فى داخل البلد

الصورة امام مسجد ابى العزائم

سيارة تسير بين الامواج

هذه الصورة من مدينة بلطيم ولا فارق بين برج البرلس وبلطيم

امام سنترال البرج الرئيسى بحر من المياه

امام مستشفى برج البرلس

مين المسئول :: فى غرق العباره برج البرلس

محروص يابرج

شارع المستشفى

ودى الماكينه اللى بتقوم بسحب مياه الامطارمن البلد ونقله الى البحر

وده ضغط الماكينه

ودى صوره لمدخل مجمع مدراس اسماعيل فهمى وسيدى غانم يعنى اكيده مفيش دراسه

اكيد 100 % مفيش دراسه

وصوره دى عند السنترال ومسجد ابو العزائم يعنى شارع عمومى

وده جامع ابو العزائم

الصور دى كله من ميدان الموقف حتى مقهى عمك البوكس يعنى فى شوراع كثيره فيه نفس المشكله ( يعنى البلد كله غرقنه ) من الاخر : مين المسئول ..............................................................؟؟

على فــين يــا بـــحر ...!!

نأسف على الغياب

وإن شاء الله هيكون خير

....

بالصدفة لقيت الموضوع دا

قلت نشوفوا سوا

هو الموضوع مش جديد بس موجود فى بلدنا كتير

على فــين يــا بـــحر ...!!

.......

فى فيلم ( كلمة شرف) بتاع وحش الشاشة فريد شوقى ..

ولما كان مسجون وبيكلم رئيس السجن اللى هو كان ( أحمد مظهر)

بعد فشل محاولته للهرب خارج أسوار السجن

قاله ( دى مش اول مرة أحاول فيها الهرب ومش حتكون أخر مرة ) ..

تقريبا ده هو نفس الكلام اللى قاله أحد الناجين من الغرق من بتوع الهجرة غير الشرعية

واللى كانوا حيغرقوا على شواطىء إيطاليا .. ورغم أن واحد من الناجين دول سبق له قبل كده انه سافر برده هجرة غير شرعية وكان حيغرق وانقذوه وحاول لتاني مرة وتكرر نفس السيناريو ..

إلا أنه مصمصم إنه يصل لشواطىء إيطاليا أو الموت دونها ..

وبيقول دى مش اول مرة ومش حتكون اخر مرة .. إيه الاصرار ده اللى ممكن يخلى إنسان يجاذف بحياته ..

يعنى انت لو عاوز الدقه ايه الرغبة فى الانتحار دي ..

حتى انه وضع الحياة فى ايطاليا فى كفه والموت فى كفه تانية ..

مين اللى وصل الناس للحالة الهباب دي ..

الحالة اللى خلتهم يهجروا بلادهم حتى لو كانت فى الهجرة دي موتهم ..

مين المسئول عن الوضع ده ..

هو ده السؤال اللى إستطاع ( مجموعة من الخبراء) الأجابة علية

وفى انفراد ساحق فى عالم المدونات

أن تحصل على اجابته من مجموعة من النخبة الفكرية ...

فى البداية سألنا ( سعيد كوباية ) الخبير فى شئون شحن البنى أدمين وتفرغيهم .

فقال : (( الحقيقة يا جماعة إن إسرئيل هى السبب ،

هى اللى غرقت المراكب بتوع العيال دول على شواطىء ايطاليا

علشان تهيج الرأى العام ضد حكوماتهم ))

ولما حاولنا نستفهم من عم ( كوباية )

عن مين تحديدا فى إسرائيل وراء حكاية غرق المراكب

دى قال بكل حماس (( بن جوريون )) .

مع العلم أن ((ديفيد بن جوريون)) أول رئيس وزراء لإسرائيل ومات فى 73

أية ياعم كوباية أطلع من الكوباية بئا

أما استاذ ( عوض نظرية ) المسئول الرفيع عن وضع الخطط والنظريات

لشئون الهجرة

فقال بكل صراحة :

(( المسالة محتاجه نظرية والعيال دول سافروا من غير نظرية محددة يمشوا عليها

علشان كده النظرية بتقول ان من يمشى بدون نظرية لازم تكون نهايته فى المهلبية ))

اما رجل الاعمال الشهير ( أبو الهدد ) بتاع فيلم ( الراقصة والطبال )

قال ردا عن سؤالنا : (( شعارنا من هد وجد ، شوف يا أستاذ لازم تهد علشان تبنى ،

والبلد مليانة شباب خليها تخف وده رزق السمك اللى فى البحر ، شغل دماغك أمال ))

ومن حسن الحظ اننا وجدنا عند ابو الهدد الست ( زكية سوسته )

الرقاصه اللى اعلنت إستيائها بكل صراحة من اللى بيحصل

وقالت (( شوف يا دلعدي اللى بيحصل ده ميرضيش حد ،

يعنى هما الستات بتوع إيطاليا دول بيعرفوا يرقصوا أحسن مننا ،

كده الشباب بتوعنا ينحرف ، على الاقل احنا بنرقص بترخيص )) ..

بعد كده نزلنا إلى الشارع علشان تستطلع رأى عامة الشعب فى اللى بيحصل

ولكن للأسف الشديد فشلت جميع المحاولات فى اخذ كلمة من المواطنين أو محاولة إستطلاع رايهم ..

فــ ( زكى زُمارة) صرخ فينا لما حاولنا إننا نسألة

وقال: ( ناس معندهاش دم ده وقت أسئلة وهباب مش شايفنى متلقح فى طابور العيش بقالى ساعة ) ..

حاولنا أننا نطلع من طابور العيش بعد جهد جهيد

لنجد رجل فى أوائل الثلاثينات قاعد على الرصيف قدام الفرن وعينه شاردة ومش مركزة فى حاجه معينه ..

اقتربنا منه فى حذر وفى توتر

سألناه (( إحم إحم .. احنا بنعمل تحقيق عن الشباب الغارق على شواطىء ايطاليا بتوع الهجرة غير الشرعية ..

تفتكر ايه السبب فى هجرة الشباب دول وايه الحل اللى تقترحه )) ..

لم يرفع الرجل نظره لي وظل شارد النظرات

وهو يهمهم فى شىء أقرب للهمس أغنية العندليب

((يا مركبي سيرى فى طريقك ولا تخافى الرياح لو فيه ضلام فى الوجود قلبي أنا ملاح))

ثم رزع دمعتين .

منقول للأهمية

بسم الله الرحمن الرحيم

اعزائى ابناء برج البرلس الكرام

نأسف عدم التدوين وذلك للاحباط المسيطرعلى الاعضاء من السلبيات الكثيرة المتواجدة و المستوطنة ببرج البرلس بلدنا العزيز، داعيا الى الله ان يفك كرب هذه البلدة الجميلة فى طبيعتها اما طبيعة الانسان فى برج البرلس السلبيه التى وصلت به الى عدم اللا مباله فى النظافة وان يرضا بالقمامة و الروائح الكريهة فى كل مكان بالله عليكم ان يذكر منكم احد مكان نظيف فى برج البرلس وساجعلها مسابقة ان ذكر احد لى مكان نظيف فله جائزة كبرى القمامة على شاطئ البحر و بجوار المساجد فى مدخل البلد وفى الشوارع و بجوار المستشفى و امام مجلس قروى برج البرلس يجب علينا ان نقف جميعا لمواجهة هذه الظاهرة المرعبة وان نبداء بأنفسنا بان نتوجهة الى المسئولين بالبلدة ونقف جميعا وقفة رجل واحد لمواجهة هذا الداء المتفشى فى برج البرلس بأيدينا نجعل بلدنا اجمل بلد فى الدنيا متقلش هنعمل ايه نقوم جميعا بالمطالبة بالنظافة ونجعل النظافة دستورنا بالله عليكم شفت اليوم منظر مقرف جدا كنت ذاهب لمشاهده المركب المنكوب و المشهد المتكرر كل عام لعدم وجود ميناء للمراكب وشاهدة هذه المناظر:

الطبيعة الخلابة !!!!!!!!!!!!! ما ادراك بالروائح يجب ان تستكشف بنفسك

هل يعقل ان يكون هذا شاطئ للبحر يلهوا عليه الصغار ويستمتع به الكبار اغيثونا بالله عليكم

ساقوك إلى الجحيم

مرت الايام وبات السيناريو كما هو والشاطيء الموعود يلتهم أحلام الصيادين كأنه مثلث برموده فباتت الصورة تتكرر فى بيتى وبيتك يوم لى ويوم لك كأنه مسلسل أوله طواف وآخره متاهه .... أترككم مع الصور

هذا المركب جرفتة الامواج الى الشاطئ ولان لا يوجد ميناء للمراكب ولا خدمات تخص هذا النوع من المراكب مثل الاوناش العملاقة وما يخص ذلك النوع من الحوادث من معدات فمن يتحمل مصروفات هذا النوع من الحوادث غير اصحابها فنما الى علمى ان مصروفات هذا المركب كى ينزل المياة مره اخرى ستتعدا 100 الف جنية هو حتى الان صرف اكثر من 50 الف جنية ويوجد 4 لوادر عملاقة تسحبة مرة اخرة على القزق لانزالة المياة وكما ترون فى الصور الحمد لله حالته اليوم مطمئنة ويوم او اثنين ويكون بالماء ان شاء الله داعين الى الله بذلك.

تهنئة لاعضاء المدونة تم منح المدونة شهادة تقدير من قبل حملة ( حماية )

تهنئة لاعضاء المدونة تم منح المدونة شهادة تقدير من قبل حملة ( حماية )

الشهادة منحت للمدونة عن طريق ايميل المدونة ومرفق صور الايميل