ابسط حقوقنا ومش هانتخلي عنه

بسم الله الرحمن الرحيم

الاخوة اهالي وابناء برج البرلس الكرام هذا المشهد نراه كل يوم حوالي الساعة العاشرة او الحادية عشر مساءعند كل فرن عيش هؤلاء الاباء والابناء والامهات يأتون من الساعة العاشرة مساء للوقوف في طابور العيش واساسا يتم توزيع العيش الساعة الخامسه صباحا اي يقفون في طابور العيش حوالي 7ساعات في جوف الليل انتظارا حتي الصباح لياخذوا بجنيه عيش بالله عليكم اليست هذة مهزلة بل والله من اكبر المهازل السؤال الان هو لماذا يذهب هؤلاء مبكرا هكذا؟

والجواب طبعا والناس بالكامل تعلم ذلك في برج البرلس انه لو معملش كده مش هايطول بجنيه عيش

بالله عليكم ان الفرن لو كان بيخبز الحصه بتاعته كامله مش يكفي الناس ياجماعة الموضوع ده لازم يكون له حل وجذري كمان مش نسيب حقنا ضايع في كل حاجه كده مش نقول ان المشكله دي في مصر كلها وزينا زي غيرنا

لا والله احنا مش زي حد

احنا بلد فيها الخير في قلوب الناس لسه باقي وموجود

احنا الخير سابق كل واحد فينا

احنا عندنا عزة وكرامه وحب وخير ليه نسكت لما نشوف اصحاب الافران بتبيع الدقيق ايلي وصل دلوقتي اكتر من 130 جنيه وهو اساسا مدعم وواقف علي صاحب الفرن باقل من 10 جنيه ياجماعه الاباء مش عارفين يناموا كل يوم خايفين مايجبوش بجنيه عيش والله حرام انا اعرف ان فرن السيد السماحي بيودي الدقيق لحريم تابعين له يبيعوا الدقيق للناس واعرف كمان انهم بيعملوا كده قدام الناس من غير اي حياء والعيب مش عليهم طبعا العيب علي الناس ايلي بتبقي واقفه بتتفرج علي حقهم وهما بيبعوه ياريت كل واحد فينا يحاول يغير شويه من الحاجات الكتييييرة الوحشة دي وبلاش سلبيه

يارب يارب الطوابير ي يجيلها يوم نسمع عنها بس ماتكنش عندنا

ويارب يارب الخير ايلي في قلوب الناس دي يغطي علي الجشع المسيطر عليهم