محاولات لحل مشكلة العيش

أكد السيد/ عصام القلا عضو مجلس محلى محافظة كفر

الشيخ فى تصريح له أنه تم تخصيص40 شيكارة دقيق مدعم سوف توزع على الأفران ببرج البرلس وهذا إضافى على حصتهم العادية.(مع العلم أن هذا الحصة هى التى كانت تأتى من فرن المصيف وبلطيم على هيئة عيش مخبوز وتوزع على الأهالي بالبرج فحولت هذه الحصة إلى دقيق بدلا من أن تخبز هناك ).

وهذا بناء على مذكرة قدمت من المجلس هذا وقد قام محافظ كفر الشيخ لواء مهندس / أحمد زكي محمد حسن عابدين بالتوقيع على القرار وجاري التنفيذ...

وعلى صعيد اَخر

سوف ينشىء مجلس محلي قرية برج البرلس فرن ألى بجوار مركز شباب برج البرلس المطور.

(مع العلم أنه سوف يخصص لهذا الفرن20 شيكارة دقيق يوميا) .

وهو تحت الإنشاء الأن

وربنا يقدم اللى فيه الخير

بشرى لأهالى البرلس...إن نفذ هذا الكلام

اللواء صلاح سلامة ... مع السلامة

نقلاً عن جريدة الدستور

اضغط على الصورة للتكبير

القائمة السوداء ببرج البرلس

أهل برج البرلس !!!!!!!!!!! ناس فى منتهى الطيبة و الإخلاص ........... تجد بينهم الحاقدين المتسلقين الكارهين لأنفسهم .... تجده لا يخاف الله ، المسجد أمامه و الناس تصلى وهو جالس يتتبع عورات الناس كل ما يجول بخاطره أن يقتنص ويتجسس على أهل بلدته ليرضى أسياده ، تجده أول من يأكل من خيرها وينكر وتجده يسب ويلعن اليوم الذى ولد فيه فى هذه البلدة ، وهو أول من يبيع البلد فبدلا من أن يجد حلول ويصلح من شأن البلد تجده يهرب منها بمجرد وجود الفرصة هؤلاء أصحاب القائمة السوداء فى برج البرلس وهم معروفين للناس فتجدهم لا يبحثون عن مصلحة البلد يبحثون عن مصالحهم الشخصية فقط ، يريد أن يتميز عن باقى أهل بلدته فتجد مياه الشرب عنده فقط كيف ذلك لا تدرى إضاءة الشارع الذى يسكنه مختلفة عن أى شارع أخر فى البلدة ويعتقد بذلك انه مميز عن الآخرين ولمعرفته ببعض المسئولين يتباهى وينتفخ من الكبر ، ويتكبر على من ............ !!! على أهله وناسه . وصل الحال بهؤلاء إلى الاستفادة من كل شئ احدهما عايز يعمل ( قزق ) لحسابه علشان يستفاد من وقف حال الصيادين وبيدخل الناس فى الموضوع علشان تبقى جيه من نحيه الصيادين ، يا من تعرفون أنفسكم يا أصحاب ( القائمة السوداء ) اتقوا الله فكما تدين تدان بسببكم بناتنا فى الجامعات يسكننا خارج المدن الجامعية لأنكم أوشيتم بهم وبمعلومات مغلوطة وغير حقيقية يسكن فلذات أكبادنا خارج المدن الجامعية. وأخيراً وليس أخراً أقولها وكلى أسف ( يا رتنى كنت من سوق التلات ) رجاله وطول عمرهم هيفضلوا رجاله أظن فهمتم الرسالة.

اما بخصوص رجالة سوق التلات فهما رجالة فعلا بيقفوا مع بعض فى كل شئ مش بخبصوا على بعض فى كل شئ شوية عيال من سوق التلات تصدوا لقوة من مباحث امن الدولة واخذوا سلاح منهم وجهاز لاسلكى بسبب دخولهم المسجد لاخذ شخص من بلدتهم بلاش دية فى انتخابات مجلس الشعب 2005 عملوا اللى هما عيزينه فى اللجان ومسمحوش لقوة الشرطة ان تزور الانتخابات فى بلدتهم مش احنا لو جه عسكرى بعصايه هيهش البلد كلها بعصيته وسلملى على الرجالة ومتنساش تجلجل الجل علشان تبقى استيل واوعك تروح بلطيم علشان لو حصل وواحد ضربك هناك مش هتلاقى عربيات بتفور تشيل ناس علشان تروح تقفل بلطيم علشان الموضوع دة مبيحصلش غير فى سوق التلات.

بطاقة تعريف هامه

الاسم

لواء مهندس / أحمد زكي محمد حسن عابدين.

المؤهلا ت

خريج كلية الفنية العسكرية.

الوظائف

-عمل ضابطا مهندسا بالقوات المسلحة.

-عين ملحقا حربيا بواشنطن من (95/93).

-قائدا لسلاح المهندسين (97/95).

-رئيسا لدار الهيئة الهندسية بالقوات المسلحة من (2000/97).

-رئيسا لهيئة تعاونيات البناء.

-كان محافظا لمحافظة بنى سويف.

الحالة الإجتماعية

متزوج وله ولدان وبنت ( محمد ضابط) ومحمود بكالوريوس هندسة عين شمس ونجلاء خريجة كلية الالسن عين شمس ومتزوجة .

___________________________________________

اولى تصريحات السيد المحافظ قبل تأدية اليمين الدستورى امام السيد رئيس الجمهورية يوم الاحد الموافق:20/4/2008

أكد المهندس أحمد عابدين محافظ كفر الشيخ الجديد مواصلة الخطوات التي تحققت خلال الفترة الماضية‏,‏ والاستفادة من الطريق الساحلي الدولي في إحداث نقلة حضارية تسهم في تشجيع الاستثمار والتنمية في كفر الشيخ‏.‏

ايه بيحصل؟

ايه بيحصل؟وليه بيحصل مين يقولى .

ميه قاطعة ولم تيجى ريحته وحشه وطعم مؤذى

ايه حكايته ومين اصلا وراها

واحنا مش عارفين قدرنا ايه مخبى المحصل يجى يقبض ليه وينعى

وان سالته الميه فين يقول لا ادرى

حد يحكلنا الحقيقة ومن خافيها

حتى نعرف ايه مصرنا وايه هانبنى

يالة بينا الصبح نصحى نحيى بلاص الميدان

فى الميدان بلاص شعارنا هوه احنا فى السودان

ولا ايه قصده اللى عمله كان فى نفسه من زمان

بكره واحد يبنى زلعه وبعدها نشوف برطمان

مع تحيات ,,,,,,,,,,,,,,,,(البرنس)

حمل كتاب (علشان متنضربش على قفاك)

حمل كتاب علشان متنضربش على قفاك

على رأى واحد صحبى حصريا ومش انفراد ولا حاجة الكتاب فى كل حته رغم انف اللى بالى بالك

الرسالة وصلت

شرف لهذه البلد المظلومة ان يكون بها شرفاء وشباب واعى وكل همه مصلحة البلد مش مصالح شخصية لو انت نظيف ليه خايف من المدونة بدل ما تشارك فيها وترعها عايز تحربها وتقفلها مين اللى اتشتم والا اتهان غير ....!!!!؟؟؟ انتم نسيتم ان فيه ( ربنا )

مش هنخاف من التهويش ، رحتك فاحت يا جبان هتتجرس فى كل مكان ، هدفنا واضح وصريح عيزين البلد تبقى فى احسن حال ، لا بندور على حتت ارض نخلصها ولا ميه تجينى انا وحدى عيزين الخير لبلدى برج البرلس، يا اخى بص حوالين منك الزبالة و القمامة فى كل مكان لا نظافة ولا ميه ولا عيش ولا كرامة ولا كلمة حره ، الرسالة وصلت يا جبان ومش هنبطل ولا هنسافر ديه بلدنا وده من الاخر.

ملحوظة ونصيحة فى نفس الوقت

لو عايزين فضايح عندى كتير ودارى على شمعتك تقيد وبلاش تعمل فيها كبير احسن ما يطلع القديم و الجديد .....!!!!؟؟؟؟ وعيزين مصلحة البلد وبلاش تشهير

بس يا ريت تكون الرسالة وصلت

طوف وشوف

شوفت واحد من بلدنا ماشى شايل كام رغيف

شوفت فى عنيه السعادة والحياه مفهاش خريف

ماشى فى الشارع كانه عنتره وفى ايده سيف

جايب الديب من رقبته والامل كان فيه ضعيف

كان بيحلم حلم عمره انه يمسك كام رغيف

حاطت العيش جوه حضنه م السعادة يالطيف

رسالة من متغرب

طبعا كنتم متوقعين من العنوان أن الصور تكون كلها سخريه من حال مصر زى العاده فى كل الرسايل اللى لها نفس العنوان . لكن أنا بالعكس حاسس أن مصر فى الفتره دى محتاجه حبنا أكتر ماهى محتاجه سخطنا وسخريتنا ولازم نتعلم نفرق بين كرهنا لظروف بلدنا وبين حبنا وأنتمائنا للبلد نفسها. مصر مش هى حسنى مبارك وحكومته الفاسده اللى لازم فيوم هايغوروا بأذن الله .مصر مش هى حالة الأهمال والامبالاه والفوضى اللى حاصله فى البلد دلوقت وعن عمد من الحكومه . مصر يا أخوانا هى طيبة أبوك وأمك هى صوت الشيخ محمد رفعت فى أدان مغرب رمضان مصر هى صوت أم كلثوم ساعة العصارى هى جدعنة أصحابك وطيبة جيرانك وعود سيد درويش ورباعيات صلاح جاهين وشعر فاروق جويده وموسيقى عمر خيرت مصر هى منظر النيل ساعة الغروب وشط أسكندريه ورملها . الناس اللى متغربين زيى أكيد حاسين بقيمة المعانى دى لأنها بعيده عنهم. مصر محتاجه حبكم دلوقت مش التريقه وخفة الدم اللى تفرح أعدائها لأن الجمال ده ليه أعداء كتير عارفينهم؟؟ أولا طبعا : أمريكا وأسرائيل وبالمناسبه الشيكل الأسرائيلى مازال عليه صورة خريطة دولتهم من النيل الى الفرات ثانيا : حكومه فاسده هاتكون سعيده جدا لما ينتهى أنتمائنا للبلد ومانسألش فيها وبالعكس نساعد فى خرابها ولما تخرب خالص هايلموا القرشين ويخلعوا ومش هاينسوا يدخلوا اليهود قبل ما يخرجوا ثالثا : للأسف أخوانكم العرب اللى بيغيروا من جمالها وتاريخها ونفسهم يشوفوها متساويه بالأرض وكل فكرتهم عن الشعب المصرى أن رجاله عساكر لازم يحاربوا ويموتوا عشان خاطر العرب وبعد ما يحاربوا برضو هايشتموهم ونسائه راقصات يرفهوا عن العرب حد فيكم ملاحظ مؤسسة روتانا اللى بتتعمد تتعاقد مع المطربين المصريين بمبالغ مهوله عشان بس تدفنهم وتمنع أعمالهم وتفرض علينا اللبنانى والخليجى؟؟ حد فيكم عارف أن الكويت بعد تحريرها رفعت كل أعلام الدول اللى حاربت عشانها ماعدا العلم المصرى؟؟ حد فيكم عارف المصرى فى دول الخليج بيتعامل أزاى؟؟ رابعا : أنظمه وأجهزة أعلام مشبوهه .قناة البى بى سى مستمرة فى بث برامج ملفقه عن أضطهاد المسيحيين فى مصر وبتقول أن البنت المسيحيه معرضه للسب والأهانه طول الوقت فى مصر لأنها غير محجبه !! شفتوا الكلام الفارغ طولت عليكم الخلاصه: أكرهوا الوضع الحالى زى ما أنتم عايزين بس أياكم فيوم تبطلوا تحبوا مصر لأنكم ما تعرفوش تبقوا حاجه تانيه غير أنكم مصريين

خطة مقترحة...!

أخوانى الأعزاء مؤلفين ومشرفين ..السلام عليكم ورحمة الله وبركاته

على مدى شهور ميلاد المدونة التى بذل إدارة المدونة والمشرفين جهداً كبيرا ً لإخراجها بهذا الشكل ورصدها للحقيقة إلا إنها أخذت فى الفترة الأخيرة نسقا ً مختلفا ً كثيرا ً إهتم بعض المدونيين بالرد المعارض للرأى الآخر " هو الصحيح من وجهة نظرة " ونحترمها كل الإحترام وهذا ليس هدف المدونة التهجم .. فهدف المدونة رصده الأخ " سيف الحق " وليس هناك رأى آخر ..

فمن هنا وأنا أحد أعضاء المدونة أدعوكم لنكون يدا ً واحدة لا رآى ورآى مخالف له ولنكن أكثر إيجابية وفاعلية أكثر من ذلك ..

-أخوانى على كل من يقدم مشكلة معينة فى بلدنا برج البرلس يكون الرد عليه بالحل لهذه المشكلة وليس لمهاجمة الردود ويتم مناقشة الحلول لنصل إلى الحل الأمثل للمشاكل .. بعيدا ً عن الخيال وحلول من الواقع وكلنا من أصحاب الشهادات يجب أن نستخدم كل طاقتنا لحل المشكلة سياسة المحليات واحدة وإن تجددت المناصب فعلينا تحريكهم بتقديم حلول للمشاكل.. أرجوا أن تأخذوا الموضوع بجدية ..

- هناك جمعيات جديدة مرخصة ويمكن أن نقدم لها الحلول عن طريق مدونتنا مثل جمعية أصدقاء المرضى فيمكن لهذه الجمعية أن ترسل تقريرا ً لوزارة الصحة مباشرة عن الوضع الصحى للبلدة دون اللجوء للمجلس المحلى أو لغيرة..

- جمعية رابطة شباب برج البرلس وهى جمعية تبحث فى مشاكل البلد ومشاكل الشباب فى برج البرلس ويمكن لها أن تنظم حملات نظافة وما إلى ذلك ..

يمكن لنا أن نستخدم كل هذه الطاقات بعيدا ً عن السياسة السيئة للمجلس المحلى والقروى والمدينة ..

الف مبروك النجاح الساحق فى المحليات

فى عشية يوم الخميس الموافق 10/4/2008 بدار مناسبات فرن نبيل الشامى احتفالية كبيرة وعدد كثير من الناس لفتى انتباهي هذا المشهد !!!!!!!!!!!! السيد / عصام القلا - يهنئنا ويهنئ نفسه بنجاحه الساحق فى انتخابات المحليات ويطلب منا أن نجتمع على رأى واحد.؟

( على أساس أن لنا رأى ومفيش حاجة بتتفرض علينا ) وقوف السيد / عصام القلا المراسل الصحفى ببرج البرلس - منذرا ومحذرا الاهالى بوجود تفكك فى الجبهة الداخلية للبلد.؟ ( وهو طبعا موجود أساسا بتفكك البلد )

على فكرة صورة (فاضل عزب) الموجودة بالموقف تم تمزيقها مساء يوم الجمعة 11/4/2008 ارجو ان ميبقاش فيه تفكك

على فكرة فى مثل بيقول ( اللى هيعمل ما بيقلش ) يعنى سيادة العضو السيد / عصام القلا – لو ناوى تعمل حاجة عايزين نشوف ونحس فعلا بأن المحليات عملت حاجة مفيدة للبلد. مثلا نطالب بأشياء بسيطة جدا وتتحل بسهولة جدا ( النظافة ) ومش عايزين حجج علشان الخنقة يعنى حجة ان مفيش مجارى وصرف صحى فى البلد هو اللى عامل عدم النظافة فى البلد نبداء بنفسنا بس عايزين حد يقود المسيرة صح أنا على استعداد تام أنا واغلب شباب البلد بتخصيص ثلاثة ساعات يوميا للنظافة العامة يعنى امسك ( المقشة ) واكنس الشارع ، حد يبدءا يا جماعة والله البلد كلها هتشارك . نحن شباب برج البرلس نرجو السادة الأعضاء الجدد للمحليات بتبنى مشروع النظافة العامة ببرج البرلس ويخرجون معنا للشارع للقيام بحملة ( نظافة عامه ) لا اكثر ولو استطعتم فعل ذلك والله ابصم بالعشرة ان انتم رجاله صح مش طرا ط.......؟؟؟؟!!!!

إلى اصحاب مقاهى الانترنت ببرج البرلس

من خلال زيارتى البارحة إلى اكثر من مقهى انترنت ببرج البرلس تلاحظ لى استماتت اغلب متصفحى الانترنت على تصفح المواقع الاباحية ويجلس وكانه (عامل عمله) فارجوا من اصحاب ( السيابر) عمل الاتى وله الاجر و الثواب عند الله:

تنزيل وتثبيت برنامج weblocker

من هذا الرابط

http://www.islamway.com/arabic/qadiyyah/block/weblock.exe

هذا البرنامج يقوم بمنع الدخول على المواقع الإباحية نهائيا وهو برنامج رائع حقا وخفيف ولا يقوم بالتأثير نهائيا على سرعة الاتصال ويحتاج هذا البرنامج بعد تنزيله أن تكتب له كلمة سر . وسؤال سري . Password and secret question لأنه من غير أحدهما لا يستطيع أحد أن يزيل البرنامج من على الجهاز المثبت عليه. وإذا حدث وحاول أحد أن يمسح ملفات البرنامج فإن البرنامج يمنع الدخول على الشبكة نهائيا , إلى أن يقوم بإعادة تثبيت البرنامج من جديد .لكن يتبادر سؤال , طالما أنا الذي سأضع كلمة السرهذه، فربما راودنى الشيطان ونفسي الأمارة بالسوء؛ إلى إزالة البرنامج فى أي وقت ومعاودة المعصية مرة أخرى ؟ نقول بأنك لابد أن تضع كلمة سر بحيث تنساها أنت نفسك , وهذا بطريقة سهلة جدا 1- فتح ملف وورد أو أي برنامج كتابة 2- أغمض عينيك واضغط على لوحة المفاتيح عشوائيا لمدة دقيقة مثلا سينتج عن ذلك سطر طويل من الحروف الإنجليزية العشوائية . 3- اختر بالفأرة من وسط هذا السطر أي جزء عشاوئيا " تقريبا 15 حرف مثلا أو أقل أو أكثر قليلا" 4- قم بنسخ هذا الجزء , ثم هناك في البرنامج في الجزء المخصص لإدخال كلمة السر ( يطلب البرنامج إدخالها فى مكانين ) ألصق ما نسخته أنقر بالزر الأيمن للفأرة على المكان المخصص واختر pasteأو أضغط ctrl+insert وفى مكان إدخال السؤال السري أكتب أى شيء , وفى مكان إجابة السؤال السري يمكن أن تنسخ وتلصق جزء آخر من السطر الذى كتبته . 5- إمسح السطر العشوائي الذي كتبته وبهذا تكون المهمة قد تمت بنجاح والحمد لله، وأغلقت عن نفسك باب واسع للشيطان 6- ينشر كل منا هذا البرنامج قدر طاقته , ويقوم أصحاب مقاهي الإنترنت بتنزيله على جميع الأجهزة ويقوم أصحاب شركات الكمبيوتر (البيع والصيانة) بتنزيله على كل جهاز يخرج من شركتهم , بإذن أو بدون إذن صاحبه

فى ظل ارتفاع اسعار الدقيق ومواد البناء(الاسمنت والحديد)

ارتفاع اسعار مواد البناء والدقيق الى :..... 1- اضراب القرود فى حديقة الحيوان حيث انهم لم يقوموا بعمل عجين الفلاحه بسبب عدم وجود الدقيق ونظرا لا ارتفاع اسعارة ,, 2- الكل يعرف جيدا ان للحكومة اذنان ودن من طين واخرى من عجين والان اصبح الاثنان من طين لا ارتفاع سعر الدقيق ايضا؟ 3-الناس بتقول ما حدش يتكلم فى السياسة وامشى جمب الحيط وكل عيش طيب دلوقتى مافيش حد بقى بيبنى جدران ولا حد بيعرف يشترى دقيق علشان ياكل عيش يبقى الحكومة هيا اللى جابتو لنفسها نتكلم فى السياسة اسهل

مع تحياتى >......... العائش على الهامش

حصريا وقبل نفاذ الكمية

حصريا وقبل نفاذ الكمية...

تسجيل صوتى لمحاولة مجموعة من المرشحين فى المحليات 2008 رشوة أحد الأعضاء المستقلين حتى ينسحب من الأنتخابات

للتحميل أضغط على هذا الرابط http://www.filesend.net/download.php?f=08690f582eba0c90fd9ebc709e8c1892

وأذا لم يعمل الرابط أنسخه وضعه فى متصفحك

أوضغط هنا على كلمة (برج البرلس)

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

شرح تحميل الملف

بعد الضغط على رابط التحميل أنتظر حتى تفتح الصفحة

ثم إنزل لأخر الصفحة ناحية الشمال هتلاقى العداد دا أستنى لغاية ميخلص

وبعد مايخلص هتظهر الصورة دى

أضغط على كلمة DOWNLOAD!

وشكرا

مع تحياتى

هيرو البرلس

من وراء الستار

مع أحترامى الشديد للعضو الأخ الجليل (أمير الحق) فالأختلاف للرأى لا يفسد للود قضية فأنا لا أوافقك الرأى فيما تقول سأتكلم عن أنجازات حمدين صباحى خلال الدورة الاولى 2000/2005 ولكن لى تحفظات على الدورة الثانية.

وهذه هى أنجازات الدورة الاولى :-

1- رافد الطريق الدولى من بلطيم الى برج البرلس كان مطلبا شعبيا الى اهالى برج البرلس وتمت الموافقة عليه من المجالس المحليه قبل أن يتكلم فيه حمدين صباحى ولأن مجموعة من المنتفعين للأسف من أهالى البرلس كانوا ضد هذا الطريق وأحد هؤلاء المنتفعين يعمل فى مجال الصحافة والاخر عضو قديم فى جمعية الصيادين والثالث صاحب مكتب سياحة وعضو مجلس محلى محافظة سابق وكانوا يعملون لصالح عضو مجلس شعب سابق عن دائرة بيلا حيث أن مرور الطريق من الاراضى الزراعية سيؤدى الى أرتفاع أسعار أراضى خاصة به بجوار البنزينة الخاصة به والله يرحمة لأنه توفى , وعندما تدخل حمدين صباحى للدفاع عن الاراضى الزراعية كما ذكرت فى السابق وخدمة قرية برج البرلس وهنا تلاقت المصالح وتقدم 13 نائبا فى مجلس الشعب عن محافظة كفر الشيخ ب13 بيان عاجل لوزير الاسكان بمرور الرافد بالاراضى الزراعية مجاملة للنائب المرحوم عن دائرة بيلا ومعهم محافظ كفر الشيخ السابق المستشار :/ نبيل بدينى وتقدم حمدين صباحى بمفرده ببيان ضد ال13 نائب يطالب بمرور الطريق من بلطيم إلى البرج وقام الدكتور فتحى سرور بإحالة هذه البيانات إلى لجنة الاسكان برئاسة الاستاذ:/ محمد أبو العنين ومعى صورة لهذة البيانات كلها , وقام عدد من أهالى البرج وبلطيم بحضور هذه اللجنة بدعوة من النائب حمدين صباحى حيث قام بكشف المعلومات المضلله فى بياناتهم العاجلة وأنضم ألية مجموعة من نواب القاهرة والجيزة ومعظم نواب كفر الشيخ عند معرفتهم بالحقيقة تراجعوا عن طلباتهم بالرفض والوقوف بجوار مرور الطريق بالبحيرة من بلطيم إلى البرج بشرط أن يكون مجاورا لطريق البرج بلطيم الأساسى حفاظا على البحيرة. 2- عندما قامت وزارة الزراعة ببيع 5 أفدنة فى أرض الجونة والتى مساحتها 120 فدان بسعر 25 جنية المتر لمجموعة من مافيا سرقة الأراضى بالغش والتدليس وكانت فى طريقها لبيع باقى ال120 فدان وعندما تدخل حمدين صباحى مع وزير الزراعة وديا وتحت ضغط قام الوزير ببيع ال115 فدان لمحافظة كفر الشيخ بنفس السعر 25 جنية المتر وأستثنى ال5 أفدنة ألا أن حمدين صباحى صمم على ألغاء بيعة ال5 أفدنة وتسليمهم للمحافظة أيضا حيث أن البيعة تمت بغير سند من القانون وتقدم بالمستندات الدالة على ذالك فى أستجوابة المشهور لوزير الزراعة وذالك بمساعدة بعض الشرفاء فى برج البرلس . 3- تم أنشاء لوحة توزيع كهرباء برج البرلس بتكلفة ملايين الجنيهات ألا أحد المهندسين للوحة همس فى أذن أحد الشرفاء فى برج البرلس وقال له حرام عليكم هذه اللوحة قديمة وغير صالحة وستكون غير أمنة وكثيرة الأعطال وأحنا المهندسين مش عارفين نتكلم وتم أبلاغ النائب حمدين صباحى بذالك فتقدم بمذكرة لوزير الكهرباء وطالب بتشكيل لجنة على مستوى عال لأستلام اللوحة وفى اليوم التالى حضرت اللجنة وتأكد صدق المعلومات وتم تشميع اللوحة ثم تغييرها بلوحة جديدة خلال أسبوع واحد فقط . 4- تم تخصيص قطعة أرض لمدرسة الثغر الاعداية المقامة حاليا ألا أن هذه الارض كان موجود عليها تعدى من قبل أحد مواطنى برج البرلس وقام بعض الشرفاء من أبناء البرلس بالمطالبة بسرعة بناء المدرسة وأزالة التعدى على الارض وذالك من خلال المذكرات إلى جميع الجهات المختصة وعلى صفحات الجرائد وبعد عدة سنوات من الشكاوى قامت مدرية الأمن بتحديد موعد أزلة التعدى ألا أن المتعدى لجأ لعضو مجلس شورى قريبة عن دائرة الرياض وتدخل لدى المحافظ لأيقاف قرار الأزلة ألا أن الشرفاء من أهالى البرلس طالبوا حمدين بالتدخل وبالفعل تدخل سريعا لدى المحافظ ومدير الأمن وتم أزالة التعدى فى موعده وتسليم الأرض للأبنية التعليمية التى قامت ببناء مدرسة الثغر الأعداية الموجودة الأن . 5- تقدم حمدين صباحى بطلب إلى رئيس الوزراء لأنشاء محطة مياه الخاشعة والتى لم تستكمل حتى الأن . 6- بالنسبة لموضوع قطع الطريق الدولى من أجل مياه الشرب حاول محافظ كفر الشيخ أهانة شعب البرلس بأنهم شعب عديم الوعى وأنه لاتوجد مشكله مياه وأن الموضوع موضوع أمنى ألا أن كما شاهدنا جميعا حمدين صباحى على الفضائيات يدافع عن أهالى برج البرلس ويصف هذا العمل بأنه عمل بطولى وحضارى وطالب محافظ كفر الشيخ بالأعتذار لأهالى البرلس ألا أن مجموعة من المنتفعين والمنافقين من البرلس سارعوا إلى المحافظ بالأعتذار عن أهالى البرلس وللأسف منهم اللى كان عايز يكون نائب فى مجلس الشعب . ولازال هناك المزيد لحظة من فضلك * كل هذه الأعمال تمت بمساعدة الشرفاء من أهالى برج البرلس لأن النائب لايستطيع أن يعمل بمفرده. * للأسف المفروض أن يقوم بهذه الاعمال أعضاء المجالس المحليه ثم تصعيد مايعجزوا عن حله للنائب * وأما بالنسبة لأهتمام النائب بالمشاكل القومية ليس عيبا فيه بل هو من صميم عمله لأن المطالبه بمناخ سياسى ديموقراطى محترم فى مصر يترتب عليه أبراز نوعيات جيدة من أعضاء المجالس الشعبية التى تعمل على حل معظم مشاكل البلد * معظم مشاكلنا يمكن حلها فى حدود المجالس المحليه (قرية – مركز – محافظة ). وأذا كان حمدين صباحى هو مشكلتنا الحقيقية كما تقول.. فغدا سيذهب حمدين صباحى ثم ماذا بعد ذالك هل ستحل مشاكلنا ؟؟؟؟؟؟؟؟؟؟؟؟ وفقنا الله وأياكم فى خدمة هذا البلد المظلوم......

مع تحياتى هيرو البرلس-

-مرسلة من هيرو البرلس إلى برج البرلس ... بدون تعليق ...الصور تتكلم... بتاريخ 4/08/2008 03:44:00 م

الف ليله وليله القرن العشرين

ولما دخل الملك شهريار مجلسه وجد شهرذاد تجلس على حمام السباحه وبكل بجاحه ترتدى المايوه ثلاث قطع نظارة وكاب وشبشب وهنا ادرك شهرذاد الصباح فلبست الروب المباح ولكن التليفون غير متاح ثم نادت على عبد الفتاح ليحضر لها طبق فول بالشطة والليمون فذهب فوجد المحل مقفول لان الفول مبلول والقدرة على البوتجاز وماكنش فيه غاز ثم ضرب كف بكف ودار ولف ليحضر لها الفول حتى لاتلقى به للغول فذهب الى اخر الشارع فوجد طابور فزاحم وسارع وفى النهايه وجد الطابور ليس للفول ولكن كان طابور للخبز فشعر عبد الفتاح بالعجز فاحضر لها علبة فول امريكانا وكانت مليانة............................ مع ارق تحياتى اتمنى انت تنال اعجابكم حيث امتلك الكثير والكثير العائش على الهامش

عشان متنضربش على قفاك

خد بالك من قفاك .. نصيحة ضابط شرطة سابق 4/9/2008

تلك هى ادل الكلمات التى تفسر علاقة المواطن برجل الشرطة وهذا ما يراه ايضا عقيد الشرطة السابق والمحامى الحالى عمر عفيفى والذى نجح بعد معركة طاحنة مع اجهزة الامن وغيرها فى نشر كتابة المميز "عشان متنضربش على قفاك".

الكتاب يرد وببساطة شديدة على كل الاسئلة التى يمكن ان تتعرض لها من رجل شرطة سواء كان محق فيها اوغير محق فعلى سبيل المثال ماذا تفعل لو صادفك كمين وقال لك ضابط الشرطة ..بطاقتك؟ وهل من حقه ان يفتش سيارتك او يفتش زوجتك ومتى تسمح له بدخول بيتك والاهم من ذلك هل يمكن ان تقول لضابط الشرطة ..بطاقتك؟ اسئلة كثيرة ومواقف عديدة يطرحها الكتاب ويمدك بالاجابات الوافية عليها لكن الاهم من ذلك ان الكاتب اختار لغة بسيطة وسهلة للغاية لكتابة بحيث يمكن لأى شخص ان يفهمها حيث جاء الكتاب باللغة العامية البحتة وباسلوب سهل جدا. لكن من هو عمر عفيفى؟ وماهى حكايته مع الشرطة وما قصة كتابه الذى اثار جدلا واسعا الايام الماضية؟ مصراوى التقى العقيد عمر عفيفى وسأله عن نفسه وعن كتابه فقال: على مدى عشر سنوات كاملة عملت ظابط شرطة فى العديد من اقسام الشرطة فكنت رئيسا لمباحث الزمالك وضابط بمباحث المخدرات بالقاهرة وضابط بادارة مكافحة النشل ثم عملت بمصلحة السجون لكن كان من الصعب علىّ ان ارى شخصا يظلم او انسان تنتهك كرامته. ويضيف: اختلفت كثيرا مع رؤسائى بالعمل وفضلت ان اعمل فى المطافى على ان اظلم شخصا لايستحق منى ذلك وبالفعل تم نقلى الى المطافى وكنت اشعر بسعادة كبيرة فى هذه الادارة كنت اشعر انى اقدم خدمة حقيقية للناس وفى احد الايام واثناء اخماد حريق باحدى العمارات بميدان الاوبرا اصبت اصابات خطيرة نظرا لعدم توافر الاجهزة اللازمة لعمليات الاطفاء وبلغت نسبة اصابتى 50% وفصلت بعدها فقررت على الفور العمل بالمحاماة. ويستطرد: اثناء رحلتى مع الشرطة او المحاماة اكتشفت ان هناك امية حقوقية وقانونية متفشية فى المجتمع المصرى بشكل كبير، الناس تتحدث عن طلاسم مثل الحقوق السياسية والتعذيب فى الوقت الذى يتعرضون فيه يوميا الى انتهاكات من رجال الشرطة سواء من امناء الشرطة او الضباط او حتى المخبرين ومع ذلك لايتحدثون ولا يتكلمون بسبب جهلهم بالقانون. ويؤكد عفيفي ان انتهاكات الشرطة مبنية على اساس جهل المواطن بحقوقه التى اقرها لها القانون .. فبسهولة يمكن لاى امين شرطة ان يستوقف اى شخص ويسأله عن بطاقته او يطلب منه تفتيش سيارته وغير ذلك فالثقافة العامة الحاكمة لعلاقة المواطن برجل الشرطة هى ثقافة "فتشنى فتش " لذلك شعرت ان من واجبى توعية الناس بحقوقهم. ويضيف: انا لدى خبره كبيرة بالعمل الشرطى وبالقانون فى نفس الوقت فكرت على الفور فى تقديم حلول عملية للمشكلة القائمة ورفضت ان اكتفى بطرح المشكلة فقط فقمت بجمع كل التساؤلات التى تدور فى اذهان الناس حول العلاقة برجل الشرطة. كنت اقوم بجمع اسئلتى من الناس على المقاهى وداخل الاتوبيسات وفى الشارع وبدأت فى جمعها فى كتاب باللهجة العامية بحيث يفهمها اى شخص لكن عنما قررت طباعتها واجهت مشكلات عديدة مع الامن فقد مارسوا علىّ ضغوطا عديدة ورفضت دور النشر طباعة الكتاب تحت الضغوط الامنية فضلا عن اننى منعت من استكمال حلقاتى التى كنت اقدمها مع الاعلامى عمرو اديب فى برنامج القاهرة اليوم وكنت اشرح فيها الحقوق القانونية للمواطن عند تعرضه لاى تجاوز من رجال الشرطة. ويستطرد: بعد الحلقة الثانية اتصل الامن بى وطلب عدم استكمال الحلقات وبعد منعى من البرنامج اصررت على طباعة الكتاب مهما كانت المخاطر والتحديات. وبمبدأ" مبروم على مبروم ميلفش "تعاملت مع الضغوط الامنية فأنا ضابط سابق وادرك جيدا كيفية التعامل مع الجهات الامنية حتى نجحت فى النهاية فى نشر كتابى بمساعدة بعض الشرفاء من المصريين. قررت ان لا انهزم ما دمت مقتنع اننى اؤدى خدمة لوطنى كنت ادرك تماما المخاطر التى يمكن ان تواجهنى فكنت مهدد بتلفيق اى قضية للاساءة لى او لاسرتى وكان ابنائى مهددون لكننى قررت ان اهزم اى خوف ونجحت فى ذلك. ويستكمل العقيد عفيفى الحديث قائلا كان هدفى من الكتاب ان يكون دليلا لكل مصرى يحميه من اى تجاوز من الشرطة ويطلعه على حقوقه القانونية التى كفلها له القانون والدستور فضلا عن ذلك فقد رأيت ان علينا ترويض الفرعون المتمثل فى امين الشرطة او الضابط المتجاوز .. انا ارى ان وزارة الداخلية تسئ للنظام بما ترتكبه من انتهاكات لكرامة المواطن وبضيق الافق الذى تتبعه. يكفينى اننى بالفعل انتصرت وخرج كتابى الى النور رغم ان مضايقات الامن وصلت الى الحد الذى هددوا فيه باعة الصحف من بيعه فكانوا يبيعونه فى الخفاء لكنه حقق مبيعات كبيرة للغاية. واصبح الاعلى توزيعا فى سوق الكتاب الان فهو يباع الان فى مكتبات مدبولى والشروق وغار حراء وافاق وديوان وشادى والعربى ولدى باعة الصحف الذين تحدوا اوامر الامن انا لم اتوقف عند هذا الحد لكننى قمت بعمل 30حلقة على سيديهات وجارى تجهيزها على نفقتى الخاصة وتوزيعها فى الاسواق.

اقرأ أيضا: مؤلف كتاب (علشان متنضربش على قفاك) يتقدم ببلاغ للنائب العام ضد وزير الداخلية بعد مصادرة كتابه

منقول من اضغط

اهو اى كلام بيتقال ...

يا متولى هيَّ الحكومة قارفانا ليه؟؟؟ قالي: يا واد يا محسن الحكومة بتاعتنا عاملة زي ابوك كده وانت صغير ..مش انت ابوك كان بيضربك وانت صغير ؟؟ -إلا بيضربني انا ابويا ماكانش بيعرف يلعب دومنو ولا طاولة علشان كده كانت تسليته الوحيدة إنه يضربني بس اهو كان بيربيني- ايوااا عليك نور اهو الحكومة برضة بتربينا وتعلمنا الأدب علشان إحنا عالم قليلة الأدب يعني مثلا إحنا الشعب الوحيد اللي تلاقيه لا مؤاخذة بيعمل زي الناس في الشارع علشان كده إحنا ناقصين ادب والحكومة بتربينا - سألته : طيب وحنكبر أمتى يا عبد المعطي ما احنا لازم نكبر ونبطل نتربى . عليك نور ..اول ما تلاقي الناس لامؤاخذة بطلت تعمل زي الناس في الشارع وعرفت طريق دورات المياه يبقى إحنا اتربينا والحكومة تبطل تقرفنا - يعني تقريبا في المشمش يعني يا متولى - تقريبا يا اخويا يا محسن - تاني يوم كلمت سلامة توهان.. يا سلامة هيا الحكومة قارفانا في عيشتنا ليه؟؟!! اسكت يا محسن يا حاقد يامفتري انت بتكره الحكومة اللي هيا اجدع حكومة جت مصر انت شكلك شيوعي يا واد يا محسن - ليه هيَّ الحكومة بتاعتنا حلوة ولا ايه يا متولى؟؟ طبعا يا حاقد حلوة هوا فيه حكومة اجدع من دي دي حكومتنا باسطة الشعب على الآخر ومخلياه آخر روقان ...تعرف يا محسن إن فيه دلوقتي خصم 50% على اسعار الحشيش؟! ياااااه بجد يا سلامة؟؟!! طبعا يا جاهل زمان كنا نقطع المشاوير ونروح حتت ما يعلم بيها إلا ربنا علشان نجيبه لكن دلوقتي بقى فيه مورد معتمد على قمة كل شارع وتقولي الحكومة قرفانا دي الحكومة مكيفانا يا غبي - بعد كده كلمت عبود الله يقرفه ( هوا اسمه الشهرة كده ) قلتله يا عبود هيا الحكومة قرفانا في عيشتنا ليه؟؟؟ قالي : بص يا محسن تعرف الواد كعبوليا المجنون؟؟ قلتله : طبعا ده نص البلد تعرفه مش ده المجنون اللي بيمشي لا مؤاخذة بيتف ( يبصق ) على الناس في الشارع . قالي : انت لو وقعت في الواد كعبوليا ولا مؤاخذة ادالك دش سخن من بقه حتسأل هوا عمل كده ليه؟؟ قلتله : طبعا لا ده مجنون وماحدش يسأله بيعمل كده ليه. قالي : اهي الحكومة بتاعتنا كده عمالة تتف على البني آدمين وتقرفنا في عيشة ابونا وإحنا ما عملنلهاش حاجة... سؤالك صعب يا محسن لكن مفيش قدامك غير إنك تعمل زي ما بتعمل مع كعبوليا تاخد الدش من هنا وتمسحه من سكات وتغسل وشك بشوية مياه وتقول اصحاب العقول في راحة . ومن ساعة ما طبقت نظرية عبود الله يقرفه ( وده طبعا اسمه الشهرة ) بقيت مرتاح جدا ..اقف في طابور العيش واروح اغسل وشي مكان تفة الحكومة ...اتحشر في الأتوبيس ..واروح اغسل وشي في تفة الحكومة ...ده طبعا لو فيه ميه في الحنفية والمياه ما اتقطعتش وافضل قاعد لامؤاخذة ببركة الحكومة .

بحيرة البرلس

تقع بحيرة البرلس شمال شرق فرع رشيد وتمتد بطول 70 كم تقريبا ويتراوح عرضها من 6 إلى 17 كم ، وتبلغ مساحتها الحالية حوالى 460 كم2 (110000 فدان ) ، وتعد ثانى أكبر البحيرات الطبيعية فى مصر . يسود بحيرة البرلس عدد من البيئات ، أهمها المستنقعات الملحية والقصبية والسهول الرملية ، كما توجد على سواحل البحيرة الكثبان الرملية المرتفعة ، ولذا فهى تعد مكانا طبيعيا لما يقرب من 135 نوعا نباتيا بريا ومائيا ، إضافة إلى كونها مهيئة لاستقبال الطيور البرية المهاجرة .وتهدف المحمية إلى صون التنوع البيولوجى ببحيرة المنزلة عن طريق حماية الموائل والكائنات الحية النباتية والحيوانية ، وإعادة توطين تلك الأنواع التى إنقرضت نتيجة الأنشطة البشرية ، ورصد المتغيرات البيئية فى البحيرة وحماية المناطق الرطبة . كما تهدف الحماية إلى تشجيع السياحة البيئية وإجراء البحوث العلمية والتطبيقية ، وصون الموارد الطبيعية وبخاصة التى لها عائد اقتصادي

والآن أترككم مع الصور الطبيعية والرائعة

منظر عام لبحيرة البرلس

البوص في بحيرة البرلس بعض ادوات الصيد احدى الممرات في بحيرة البرلس صيادي بحيرة البرلس الشروق في بحيرة البرلس احدى مراكب الصيد مراكب الصيد اثناء صيانتها مجموعة من مراكب الصيد في البحيره اجمل المناظر الطبيعية في البحيره ( الغروب ) احدى مناطق البحيرة

وفي النهاية أرجو أن ينال هذا الموضوع إعجابكم وأشكركم

والى اللقاء في موضوع آخر ان شاء الله

مع تحياتي

فارس بلا جواد

سلسلة إنقذوا برج البرلس " حالات تسمم فى صفوف التلاميذ"

جاءت نهاية المطاف.. رحلة 75 مليون فقير نهاية مؤلمة

استيقظ أهالى برج البرلس فى صباح اليوم على صرخات أولادهم بالمدارس وشوهد ثلاث سيارات إسعاف تنقل المصابين إلى مستشفى برج البرلس وما حدث تكرر فى محافظة الاسكندرية بالأمس وهو حالات تسمم بين تلاميذ المدارس ما حدث هو توزيع مواد غذائية فاسدة مما أصاب التلاميذ بالهلع وقام الأهالى بالتجمع على بوابات المدارس ليأخذوا أولادهم وعندما لم يخرج أولادهم لأن إدارة المدارس قد أغلقت البوابات ومنعهتم ورغم ذلك فقد فتحوها بالقوة وأخذوا أولادهم وقال من تكلم منهم عن هذا الموضوع أنهم لن يدعوا أولادهم للخروج ثانية إلى المدارس إلا عندما تهتم الحكومة بهذه المشكلة وحتى الآن لم تنتهى المصادمات بين الأهالى وبين إدارات المدارس، كماأعلنت مصادر طبية مصرية أن 75 تلميذًا على الأقل أصيبوا اليوم الأحد بتسمم في مدينة الإسكندرية الساحلية شمال مصر بعد أن تناولوا وجبة مدرسية.وقال مصدر طبي: إن أعراض القيء والإسهال فاجأت التلاميذ في مدرستين ابتدائيتين بالمدينة عقب تناولهم بسكويت توزعه عليهم وزارة التربية والتعليم.وأضاف أن المصابين نقلوا على إثر ذلك إلى المستشفى للعلاج. جدير بالذكر أن حالات تسمم تلاميذ المدارس في مصر تتكرر .نقلاً عن موقع الإسلام اليوم بتاريخ 30/3/2008.

إصابة 3 تلاميذ بالتسمم في سوهاج بعد تناولهم وجبة مدرسية فاسدة نقلا ً عن جريدة البديل بتاريخ28/3/2008 .

وماذا كان رد فعل الحكومة

- فى حديث لإحدى القنوات الفضائية قال أحد المسؤلين :" إنها حالة إيحاء بين تلاميذ المدرسة بالأسكندرية يقول التلميذ بعد تناول الوجبة المدرسية "آه يابطنى" بيتوهم باقى التلاميذ بذلك ويفعلون نفس الموقف فيقولون الناس أنها حالة تسمم من تناول البسكويت المدرسى .. هذه حالة فردية ".