فى عشية يوم الخميس الموافق 10/4/2008 بدار مناسبات فرن نبيل الشامى احتفالية كبيرة وعدد كثير من الناس لفتى انتباهي هذا المشهد !!!!!!!!!!!!
السيد / عصام القلا - يهنئنا ويهنئ نفسه بنجاحه الساحق فى انتخابات المحليات ويطلب منا أن نجتمع على رأى واحد.؟
( على أساس أن لنا رأى ومفيش حاجة بتتفرض علينا )
وقوف السيد / عصام القلا المراسل الصحفى ببرج البرلس - منذرا ومحذرا الاهالى بوجود تفكك فى الجبهة الداخلية للبلد.؟
( وهو طبعا موجود أساسا بتفكك البلد )
على فكرة صورة (فاضل عزب) الموجودة بالموقف تم تمزيقها مساء يوم الجمعة 11/4/2008 ارجو ان ميبقاش فيه تفكك
على فكرة فى مثل بيقول ( اللى هيعمل ما بيقلش ) يعنى سيادة العضو السيد / عصام القلا – لو ناوى تعمل حاجة عايزين نشوف ونحس فعلا بأن المحليات عملت حاجة مفيدة للبلد.
مثلا نطالب بأشياء بسيطة جدا وتتحل بسهولة جدا ( النظافة ) ومش عايزين حجج علشان الخنقة يعنى حجة ان مفيش مجارى وصرف صحى فى البلد هو اللى عامل عدم النظافة فى البلد نبداء بنفسنا بس عايزين حد يقود المسيرة صح أنا على استعداد تام أنا واغلب شباب البلد بتخصيص ثلاثة ساعات يوميا للنظافة العامة يعنى امسك ( المقشة ) واكنس الشارع ، حد يبدءا يا جماعة والله البلد كلها هتشارك .
نحن شباب برج البرلس نرجو السادة الأعضاء الجدد للمحليات بتبنى مشروع النظافة العامة ببرج البرلس ويخرجون معنا للشارع للقيام بحملة ( نظافة عامه ) لا اكثر ولو استطعتم فعل ذلك والله ابصم بالعشرة ان انتم رجاله صح مش طرا ط.......؟؟؟؟!!!!
والله يا جماعة موضوع جامد وفعال وعموما ً إن كانوا الناس اللى نجحت دى هتعمل حاجة يبقى هيبان إن شاء الله من أول شهرين وغير كده يبقوا مينفعوناش
ردحذفيا جماعة مرشحين الحزب الوطنى فى المحليات2008
ردحذفنجحوا ودى حقيقة وأمر واقع.
وبمزاجنا أو غصب عنا هما محسوبين علينا لمدة 4 سنوات دا - أذا لو الأدارة المصرسة مقعدتهمش سنتين كمان بعد الأربعة - ولازم نتعامل معاهم من هذا المنطلق
ولو أشتغلوا وفادو البلد كان بها.
مشتغلوش نشغلهم أحنا غصب عنهم
ومفيش حد يعرف مصلحتنا فين قدنا
أو على الأقل نحاول نكشفهم على حقيقتهم
ردحذفواللهى كويس ان بقى لينا اعضاء من برج البرلس بتمثلنا فى مجلس المحافظه دى فى حد ذاته حاجه كويسه ويارب يكون ضمايرهم صاحيه وتحس بحال البلد اللى هما منها الاول كانت ناس تانيه بتمثلنا واكيد مش حسين بالبلد والمعناه اللى بتعيشها وكنا دايما بنقول هما مش من البلد ومش من مصلحتهم يعملو حاجه للبد .. واظن ان الحجه دى انتهت اهه وبقى لينا بدل عضو عضوين ( الاستاذ/ عصام القلا - والاستاذ/ اسعد فضيل) واظن كدا مبقاش ليهم حجه وبقى فى ايديهم انهم يوصلو صوتنا على الاقل للمحافظه طالما خاب املنافى مجلس الشعب .. وعلى رائى اللى قبلنا ماقلو اطلع السلم من اوله ... ويامسهل الحال يارب
ردحذفايوه ياعم Mohager.egy
ردحذفهيوصلوا صوتك للمحافظ هو وصل من بدري
جميل الاثنين نجحوا بس البرج منجحتهومشي
دم نجحوا بلامر يعني اعتقد انك فهمت قصدي فلا مقارنه مع حمدين صباحي ولما نشوف رجاله الحزب هيعملوا ايه ده مش كره ليهم وشي يفرحني ان لينا اثنين في عضويه المحافظه بس لما يعملوا حاجه للبرج تبقي تفتكرني واكتبهالي جايز اتغيرو واناغلط وياريت تبقي تكتب عنهم زي مبتكتب علي حمدين والكلام ايضا لسيف الحق وانتهز الفرصه واشكر سيف الحق لروعه مايكتب وكل جديد علي المدونه من اعداده وياريت تعمل لقاء مع السيد/عصام القلا والسيد/اسعدفضيل
مافكرهم وماسيفعلوا في الايام المقبله
ويتم نشرها علي المدونه
ولكم مني الشكرا وفائق اللاحترام
يا أستاذى عاشق مصر من الواضح إنك مبتابعش المدونة اللى قاله المهاجر مش معناه إننا حزب وطنى إحنا قولنا لا حزنى ولا وثنى ولا كرانواى ولا ناصرناى
ردحذفوياريت تفهموا أنت والأخ هيرو الكلام ده إحنا يهمنا مصلحة البلد فقط تيجى مع حمدين تيجى مع عصام القلا .. المهم ده وجه جديد مش عارفين إن كان هيعمل زى حمدين ولا هيعمل حاجة للبلد...
والفكرة مش هما ميعملوش حاجة وإحنا نمسك فى بعض هدفنا إننا نكشف الحقيقة
ردحذفبااخ عاشق انتا واضح انك مش فاهم كلامى كويس انا بقول ان ياريت يكون فى امل فيهم وانا مش منحاز لاى شخص من اللى نجحو دول ... انتا عايزنى اهاجمهم يعنى ولا اعمل ايه انا مش فاهم ؟ .. الناس لسه مبقلهاش اسبوع فى مناصبهم الجديده يعنى ولا شوفت منهم وحش ولا حلو وانا مش مع الجزب الوطنى وفى نفس الوقت مش ضدده احنا كلنا ضد اى شى سلبى ومع اى شى ايجابى ان كان مصلة البلد فى ايد الوطنى فااحنا معاه ولو كانت فى ايد ناصرى او غيرى بردو احنا معاه المهم مصلحة البلد وحالها يتصلح ... وياجماعه انا بكرر تانى احنا مش ضدد اى حد وبلا بنحبط فى اى حد انا مع مصلحة البلدددددددددددددددددد ومش عايزين نهاجم اى حد من غير اى سبب والناس لسه مجربنهاش ... وانا من رائى اننا احنا اللى مممكن نحرك اى حد مش هما اللى يحركونا يعنى لازم نحسسهم انهم فى ايديهم يوصلو صوتنا فعلاا ويعملو اى شى فى صالح البلد .. ياريت كلامى يكون وصل وفهمت وجهة نظرى يااخ عاشق .
ردحذفوشكرااااا
فعلا
ردحذفأننا أحنا اللى المفروض نحرك الناس اللى بتمثلنا فى المجالس .
والمفروض أنهم بيخدموا البلد ويحلوا مشاكل الناس بناء على تنبيه الناس لممثلينا عن المشاكل اللى هما فيها.
على الرغم من أن ممثلينا فى المحليات ممكن يكونا عارفين مشاكلنا كويس.
بس بيقول لنفسه مدام محدش بيتكلم ومحدش بيشتكى يبقى الناس راضية بكدا.
لازم نعمل وقفه.
بس نصبر عليهم شوية عشان ميقولوش دا أحنا لسة مستلمين الشغل دلوقتى .
تحيات وشكر
لكل واحد بيقول رأى صريح بدون مجاملة أو تحيز